ABOUT-ar

بلشت القصة من فلسطين . تحديدا من ( اللد ) مدينة النبت والزيتون بساتين الكروم مع جدنا هارون . كان عاشق و مجنون بأجواء السهر والفنون . ولعب الورق على الحان أم كلثوم ، وجدنا كان يعشق صنع التمباك والمعسل بأيده وعلى أطيب نفس ارجيلة من ايده بالقهوة كانت تحلى السهرة والجمعات الحلوة . من هون افتتح محل هارون . هو مطعم على قهوة . ومكان بيجتمع فيه اهل الحارة .
كان في الاكل معلم . وفي المشاريب كمان معلم . وبالكنافة الأصيلة سيد المعلمين . بس أستاذ في الارجيلة . بالاول كان يعملها تمباك وبعدين باش بخلطات المعسل . بيقولو انه معسل التفاح هو اول من عمله لان المدينة كانت مشهورة بالتفاح .
و بلشت الناس تسمع عن هارون ونيجي من اماكن بعيدة . خفة دمه وخفة ظله حببت الناس فيه وفي قعدته واللمة صارت ما تحلى الا عند هارون

قهوة هارون كانت تضم كل الناس من المجتمع . تلقى فيها المثقف والفلاح . والاستاذ و الدكتور والشوفير والشيوخ . ومختار الحي وزعماء المنطقة . والكل كان يلاقي فيها رغبته سواء اكل او شرب او ارجيلة هارون
هارون كان سياسي مخضرم مش لانه اشتغل بالسياسة . او لانه بحبها لانه كانو من رواده سياسيين مهمين ورجالات دولة كبار . وبينتظرو دورهم بهارون زي كل الزباين ، واجبنا نخدمهم والارجيلة بنعملها لسهرتهم وبالكنافة بنختم جلستهم . كان هارون يعتبرهم اصدقاء , ومن هون صار هارون يعرف بالسياسة . ومعروف هارون بانه سيد من عمل الا رجيلة . والسياسة شو غير انك تكون عارف مزاج الكل , كانت الناس تحب تسمع كيف بيقول الامثال الشعبية القديمة ويحكى المواقف الي كانت تصير بالمحل و كتير قصص ومواقف بتجمع الحي مع جدنا وهلا نحنا عم نحاول نوصل صورته وحرفيته بالا رجيلة . ونوصل كل الأصالة الى قدمها للجيل السابق لنوصلها للجيل الجديده بكل حب وحرفية .
يا جدي هارون . . . بالعشق والجنون . . . بعدك فتحنا بعمان . وهلا في دبي.

والبقية تأتي . . . .